Tuuno LabuTuuno labu
LABU
Artists

Welcome to Tuuno Labu

EVANGELICAL BAPTIST YOUTH (MARYLAND)

A masa in ah hih Tuuno Labu App/Website a zang khempeuh Topa’n thupha ong pia ta hen. Hih App/Website ong piantheih nading in hong thukimpih i biak Pasian tung lungdam ko masa nuam ung. Hih sung aa om hymn late zattheih nading in phalna ong pia EBC Gambup President Rev. Nang Lyan Kap leh Pasian minphatna dingin a late uh phaltakin hong koihsak, la-atte (composer) tungah zong lungdamna hong ko ung. La hong letsakte leh la-aw (tune) hong phuahsakte tungah zong lungdamna hong ko phapha ung. Pasian in ama minthanna ding in hong zatsak semsem ta hen. Hih Tuuno Labu App pen sum piak kullo a, mikim in free tak in Apple le Android pan ki download thei hi.

Contact support

Let’s connect! Reach out to us today, and let’s turn your ideas into reality.

tuunolabu@gmail.com

EVANGELICAL BAPTIST CONFERENCE

Pawlpi pen “Kha Khanlawhna” (spiritual Revival) Pan a ong piangkhia hi. Pawlpi’ pian lai a, a mite tu dong(2023) adam lai tampi om uh hi. 1975 pan Tedim gamah “Hehpihna hang Gupna kingah” (Salvation is by Grace alone) cih thu tawh kizom in “Na pianthak loh phamawh” (John 3:7) ci-in Tuiphum pawlpite sung ah (a diakdiak in CJC, tu’n CMBC) ah ong ki naakgen mahmah teh a sang zolo leh a sang thei aa piangthak tampi hong om ciangin mipi namnih ong pha mawk hi. A tomin gen ni ci leng, Tapidaw veve Pianglui leh Piangthak cih ong piang mawk hi. Ki telsiamna sang in ki telkhialhna ong khan zawk ciangin pawlpi sung pan kihawlkhiatna le kikhenna dong ong piang a, March 5, 1975 ni in Piangthak sung pan mimal 17 in Pa Gen Do te inn ah suaikai in EBC Pawlpi official in hong tuam din hi. Tuiphum Pawlpi pan EBC apian in tu-a AG,UPC, Yahweh, BCM leh a tuamtuam te pen Piangthak sungah om uh hi. 1977 kum ciangin EBC Pawlpi pan AG Pawlpi ong piang a, Gupna thu hilo ahih manin Upna Paipi (Doctrine) vai hi ta ahih manin, ‘Lungdamna thu laigil’ sangin Doctrine zui-in pawlpi tuamtuam tampitak pianlawh hi. Tua hangin “Gupna thu Laigil” in munngah nawnlo aa Khanlawhna mei mitkik bek thamlo in, Pawlpi Doctrine khempeuh Gupna lampi danin kigen tek mawk ahih manin Adah huai thu ahi hi. EBC Pawlpi in zong Upnathu ah “Upna luanglet leh Upna Penglua” pomzolo ahih manin “Upna Laigil” pomin Gupna thumah gen bel-in nei hi. Ci le sa pau leng, EBC Pawlpi pen 1977 kiim in kiam mahmah napi tulai takin pawlpi 200 kiim phata in, Kawlgam, Shan gam, Malaysia, Singapore, America, Australia, leh gam tuamtuam ah damdam in ki zel toto hi. “..buh at ding tampi omlai hi..” (Mt. 9:37). Bethlem pen Zeisu suahna khua ahih mah bangin Tedim zong Khanlawhna tawh EBC pianna khua hi aa leimong dongah Lungdamna Thu aki puakkhiatna khua zong ong suak hi. EBC in, pawlpi apianna thu ahi, “Pasian Hong Gupkhiatna Lungdamna Thu” (Gospel) bek mah genbel in nei den hen la, gammial nasepna ahi (Missions) nasep thupisak (Prioritize) den ta hen! Amen.

– President Rev. Nang Lyan Kap